Il furlan al è une lenghe neolatine dal grup orientâl dal retoromanic. Si è insedât su lenghis di sostrât preroman, cun contribûts des lenghis passadis in Friûl dilunc dai secui (lenghis gjermanichis e dialets slâfs). La lenghe furlane e je ricognossude uficialmentri di leçs regjonâls e statâls e e je fevelade in dì di vuê di plui o mancul 600.000 personis (il 67,5% dai furlans).

Il Friûl si cjate intal Nordest de Italie, tra lis Alps e il mâr Adriatic. Il so toponim al ven dal non latin Forum Iulii (Cividât). La formazion dal Friûl tant che entitât storiche, politiche e culturâl e je de ete Langobarde. Si trate de uniche aree europeane che e à cuatri diviersis lenghis: furlan, talian, todesc e sloven.

La ARLeF e je l’organisim dotât di personalitât juridiche publiche, cun competence te definizion dai indreçaments di politiche linguistiche pe lenghe furlane. La Agjenzie e coordene e e verifiche la implementazion des azions, previodudis par leç, che a àn a ce fâ cu la lenghe, e supuarte un program unitari di iniziativis pe protezion dal furlan e e promôf il so ûs in dutis lis areis di comunicazion e de vite cuotidiane.

Friulian is a Romance language belonging to the Eastern group of Rhaeto-romance languages. It developed from a pre- Roman substrate, acquiring contributions from the old Friûl languages (Germanic languages and Slavic dialects). Friulian is officialy recognized by Regional and State laws and currently spoken by about 600,000 people (67.5% of Friulians).

Friûl is located in northeastern Italy, between the Alps and the Adriatic Sea. Its toponym derives from the Latin name Forum Iulii (Cividale del Friuli). The formation of Friuli as a historical-political-cultural entity dates back to the Longobard era. It is the only European area with four different languages: Friulian, Italian, German, Slovenian.

ARLeF is the body having public legal status, which defines the Friulian language policy guidelines. It coordinates and verify the implementation of the actions provided by all the regulation dealing with the language, supports a comprehensive programme of initiatives for its protection, promotes its use in all areas of communication and today’s life.