Thisismylanguage!

PASSE I CONFINS CU LA TÔ LENGHE

Môf il to confin linguistic cul progjet des Ativitâts in Classe su la Cjarte Europeane (ECCA)

Midiant des Ativitâts in Classe su la Cjarte Europeane (il progjet ECCA – European Charter Classroom Activities), lis scuelis a puedin lavorâ cun ativitâts su la Cjarte Europeane des Lenghis Regjonâls e Minoritariis. Il progjet ECCA al à l’obietîf di disvilupâ ativitâts in classe e di meti adun zovins e insegnants di regjons linguistichis diviersis par mieç di un program di scambis.

Ce fasìno?

Disvilup des ativitâts in classe

Campus linguistic ECCA

Tal mês di Fevrâr dal 2019 il Consei di Europe al à disvilupât un strument pes scuelis europeanis par podê lavorâ in maniere plui ative su la Cjarte Europeane des Lenghis Regjonâls o Minoritariis. Intant, chest strument, lis cussì clamadis “Liniis vuide educativis par puartâ la diversitât linguistiche tes classis” tal è stât voltât in cetantis lenghis. Dilunc vie pe prime edizion dal progjet ECCA, a son stadis fatis e metudis a disposizion trê lezions digjitâls (par inglês, frison e olandês) par podê jessi dopradis di dutis lis scuelis partners. Lis lezions si puedin discjamâ achì: https://ecca.edufrysk.nl/.

Tal 2023, i partners ECCA a son invidâts a doprâ e a disvilupâ lis Ativitâts in Classe – Classroom Activities – publicadis dal Consei de Europe e a proponi materiâi gnûfs di condividi cun altris scuelis.

FURLAN ECCA guidelines

Il progjet ECCA al met adun zovins e insegnants di regjons linguistichis
diferentis. Cjalant cemût che une lenghe e je tratade intun altri Stât,
si pues capî miôr ce che si sint e si pense su la proprie lenghe.
Parcè pensistu che i zovins in Friûl e te Val di Fasse a fevelin ancjemò
par furlan e par ladin fra di a scuele, invezit che dome par talian?
Ce isal che al rint la zoventût catalane e chê rumene in Ongjarie
braurose des lenghis? In cheste edizion dal progjet ECCA, lis ativitâts
a son incentradis su la organizazion di un Campus Linguistic, cul
coinvolziment di svariadis scuelis, che al vignarà fat tes Isulis
Baleârs. Cjatantsi cu la int dal puest a scuele e a cjase intun paîs là
che si fevele une lenghe che, tant che la tô, no je la uniche lenghe di
chel paîs o di chê regjon, tal è pussibil capî miôr ce che une lenghe e
pues significâ.

Cu la condivision di esperiencis cun personis che a fevelin ancje une
lenghe regjonâl dongje di altris lenghis, tal è duncje pussibil capî il
va zontât dal plurilinguisim e dal multilinguisim.

Cualis scuelis partecipino?

Gnovis

I zovins europeans a celebrin lis lôr lenghis tes Isulis Baleârs

Dai 12 ai 15 di Mai, 24 zovins di 8 regjons linguistichis diferentis si don dâts dongje par celebrâ lis lôr lenghis tes Isulis Baleârs, in Spagne. Dopo vê partecipât al concors de ECCA sul tacâ dal an, chescj students, che a àn dai 14 ai 17 agns, a àn frecuentât – adun cui lôr insegnants – il campus ECCA, che al fâs part dal progjet di ativitâts didatichis su la Cjarte europeane (European Charter Classroom Activities).

Rap ECCA
Tal campus ECCA i arlêfs a àn fat un itinerari incentrât su la lenghe, cjapant part a ativitâts diferentis. In plui che fâ escursions, partecipâ a un laboratori su la improvisazion teatrâl e celebrâ une serade di musiche tes lôr lenghis, une des ativitâts e je stade chê di creâ un rap plurilengâl.

Il responsabil di progjet dal campus ECCA, Ypie Boersma (provincie dal Fryslân): “O calcoli che in dut il mont al sedi l’unic rap tes nestris 8 lenghis: galês, frison, ongjarês, ruotsinsuomi, catalan, basc, ladin e furlan. Par me al è stât une vore biel viodi che intant che si divertivin tra di lôr, zovins di dute Europe a àn podût capî che a son pardabon bogns di traviersâ i confins cu la lôr lenghe.”

MoJo
I partecipants dal campus ECCA no àn dome produsût un rap, ma a àn ancje fat un laboratori di gjornalisim mobil (MoJo). Ducj a àn creât une gnove pai rapresentants de Comunitât europeane su ce che si varès di fâ pe proprie lenghe. I rapresentants catalans di Andorra, Cerni Roig, Esther Claveri e Carla Iglesias a àn menzonât tal lôr video Mojo che a volaressin che la lôr lenghe no fos plui viodude tant che une lenghe minoritarie. Il catalan al è la lenghe uficiâl di Andorra e al è fevelât di 10 milions di personis in 4 paîs europeans. Esther Claveria: ”Il catalan al è une part essenziâl de nestre vite. No nus plâs pensâ di jessi plui piçui di altris lenghis parcè che no si sintìn cussì”.

Progjet ECCA
Midiant des ativitâts didatichis de Cjarte europeane (progjet ECCA), lis scuelis a puedin lavorâ in classe su lis iniziativis de Cjarte europeane pes lenghis regjonâls o minoritariis. Il progjet ECCA al smire a disvilupâ ativitâts in classe e a svicinâ i zovins e i insegnants di regjons linguistichis diferentis. Il progjet ECCA al è pussibil in gracie di une sovenzion midiant dal NPLD (Network to Promote Language Diversity) e cui contribûts dai partners che a partecipin.

Network to Promote Linguistic Diversity – Rêt par promovi la diversitât linguistiche
NPLD al è une rêt europeane che e lavore tal cjamp de politiche linguistiche e de planificazion des lenghis in dute Europe e che e cjape dentri tant che siei membris guviers sedi statâi che regjonâi, universitâts e associazions. Chescj a son i organisims che tal specific a àn permetût di inmaneâ il progjet ECCA: Provincie di Trent/Ladin Istitût culturâl « Majon di Fascegn », Agjenzie regjonâl pe lenghe furlane (ARLeF), Partium Christian University, Xarxa Vives d’Universitats, Provincial Council of Bizkaia, Welsh Government, Stockholm University e la Provinsje Fryslân.

Par vê plui informazions o par indreçâsi a un rapresentant de proprie regjon si à di contatâ il responsabil dal progjet, Ypie Boersma, y.boersma@fryslan.frl +31 615855947. Par vê plui informazions sul progjet ECCA: www.thisismylanguage.eu

Chestis a son lis scuelis che a àn partecipât ae prime edizion dal Campus ECCA: Scola Ladina de Fascia, Istitût Statâl di Istruzion Superiôr “Magrini Marchetti”, Ady Endre Higschool, Escola Andorrana de Batxillerat, Salesianos Barakaldo, Ysgol Garth Olwg, Sverigefinska skolan and CSG Bogerman Balk.

Traviersâ i confins linguistics cul campus ECCA

Dai 12 ai 15 di Mai, 24 zovins di 8 regjons linguistichis diferentis si daran dongje tes Isulis Baleârs, in Spagne, par celebrâ lis lôr lenghis. Dopo vê partecipât a un concors tal principi dal an, chescj students, che a àn dai 14 ai 17 agns, a parteciparan adun cui lôr insegnants al campus ECCA (European Charter Classroom Activities).

Ce isal il progjet ECCA? Al è un progjet dulà che lis scuelis, dilunc dal an, a puedin lavorâ in classe su lis ativitâts de Cjarte europeane des lenghis regjonâls o minoritariis. Il progjet ECCA al smire a disvilupâ ativitâts di classe incentradis su la lenghe e a svicinâ i zovins di regjons linguistichis diferentis adun cui lôr insegnants. Vuê tal mont a son plui di 7000 lenghis vivis cognossudis, 60 di chestis a son lenghis regjonâls o locâls feveladis in Europe di cirche 40 milions di personis. Il progjet ECCA al vûl che i zovins europeans a sedin cussients e braurôs de lôr lenghe regjonâl e al vûl sensibilizâ sul fat che lis lenghis a sedin plui di chês 24 ricognossudis a nivel uficiâl de Union Europeane.

Concors ECCA
Tal principi dal an, scuelis di dute la Europe a àn partecipât a un concors inmaneât de ECCA. In diviersis classis in Spagne, Italie, Gales, Romanie, Svezie e tai Paîs Bas ai arlêfs ur è stât domandât di rispuindi a cheste domande: parcè lis personis varessino di visitâ la tô regjon linguistiche? I 24 zovins selezionâts a son stâts judicâts chei plui creatîfs e a àn vût tant che premi la oportunitât di jentrâ a fâ part dal campus ECCA e di traviersâ i confins cu la lôr lenghe.

Campus ECCA
Chest fin setemane tal campus ECCA i partecipants a fasaran un percors cun ativitâts svariadis tes lôr diviersis lenghis. Par esempli, a crearan un rap insiemi in 8 lenghis diferentis. A impararan ancje cemût deventâ un Mobil Journalist (MoJo) scrivint une gnove pal Consei de Europe suntune (e intune) des lôr lenghis. L’obietîf dal progjet ECCA al è chel di tirâ dongje i zovins par che a condividin esperiencis e lis lôr sensazions sul fevelâ une lenghe regjonâl/minoritarie e puartâ une cussience positive sul valôr zontât dal bilinguisim e dal plurilinguisim.

Network to Promote Linguistic Diversity (Rêt par promovi la diversitât linguistiche)
Il progjet ECCA al è pussibil in gracie di une sovenzion midiant dal NPLD (Network to Promote Language Diversity) e cui contribûts dai partners che a partecipin. L’NPLD al è une rêt europeane che e lavore tal cjamp de politiche linguistiche e de planificazion des lenghis in dute Europe. L’NPLD al cjape dentri tant che siei membris guviers sedi statâi che regjonâi, universitâts e associazions. Chescj a son i organisims che tal specific a àn permetût di inmaneâ il progjet ECCA: Provincie di Trent/Ladin Cultural Institute « majon di fascegn », Agjenzie regjonâl pe lenghe furlane (ARLeF), Partium Christian University, Xarxa Vives d’Universitats, Provincial Council of Bizkaia, Welsh Government, Stockholm University e la Provinsje Fryslân.

Risultâts dal ECCA
I risultâts dal ECCA campus si puedin viodi tai social media: Instagram (thisismylanguage.eu), Twitter (myeulanguage) e tal sît web in 8 des lenghis che a partecipin. In Setembar, mês de Zornade europeane des lenghis, un struc dai risultâts dal progjet al vignarà presentât ai rapresentants dal Consei de Europe a Bruxelles.

Chestis a son lis scuelis che a parteciparan: Scola Ladina de Fascia, Istitût Statâl di Istruzion Superiôr “Magrini Marchetti”, Ady Endre Higschool, Escola Andorrana de Batxillerat, Salesianos Barakaldo, Ysgol Garth Olwg, Sverigefinska skolan and CSG Bogerman Balk.

Cuâi arlêfs di cualis scuelis sono stâts selezionâts par partecipâ al campus ECCA?

Vuê, inte Zornade internazionâl de felicitât, o anunziìn cui che des 8 diviersis regjons linguistichis al pues lâ tes Isulis Baleârs par partecipâ al campus ECCA, par vie dal concors che o vin mandât fûr il mês passât.

Si veve di rispuindi ae domande « Parcè personis di dut il mont varessino di visitâ la tô regjon linguistiche? » in mût creatîf cuntun video, un dissen o un altri prodot creatîf.

Chi sot e je la liste des scuelis che i lôr partecipants a àn vinçût il concors e che a cjaparan part al campus ECCA intes Isulis Baleârs dai 12 ai 15 di Mai. Se no tu cjatis la tô regjon inte liste, nuie pôre: par vie de popolaritât de competizion, ciertis regjons a àn bisugne di un pôc plui di timp e a comunicaran i lôr vincidôrs dentri di cheste setemane. Par vê eventuâi inzornaments, si pues consultâ il sît Web.

LADIN
Scola Ladina de Fascia
Daniele
Nicole
Alice

FRYSK
CSG Bogerman Balk
Jesse
Michael
Ruben

MAGYAR
Ady Endre Highschool
Panna
Kinga
Szabolcs-Péter

CATALA
Escola Andorrana de Batxillerat
Cerni
Carla
Esther

CYMREAG
Ysgol Garth Olwg
Lauren
Ava
Seren

SWEDEN FINNISH
Campus from the Sweden Finnish School of Stockholm.
Dina
Hilda
Sid

EUSKARA
Salesianos Barakaldo
Ziortza
Ruth
Naiara

FURLAN
ISIS Magrini Marchetti
Nicholas
Caterina
Giorgia

Intal lûc li che tu vivis tal è normâl fevelâ plui di une lenghe: furlan e talian. Âstu tra i 14 e i 17 agns? Partecipe daurman al concors ECCA. Cree un video, une poesie, une stampe o une storie par furlan e sclarìs ce che al fâs il Friûl e il furlan un lûc che al merete di jessi visitât di dut il mont!

I vincidôrs di chest concors a podaran partecipâ al campus ECCA organizât intes Isulis Baleârs dai 12 ai 15 di Mai dal 2023. A saran cjapâts dentri students che a vegnin di 8 regjons linguistichis diviersis.

VEN A VIODI LA MÊ REGJON LINGUISTICHE!

ECC Kick Off 21 February 12.00 CEST, 11.00 GMT

“La lenghe no je dome che un mieç di comunicazion, e fâs part di ce che tu sês. La Cjarte europeane e da dirits ai zovins intes regjons linguistichis, che dispès no san nancje di vêju. Il progjet ECCA al à tant che obietîf chel di meti adun zovins di diviersis regjons linguistichis e di sensibilizâju in maniere positive su chest”.

Responsabil dal progjet ECCA
Ypie Boersma, province of Fryslân