Ducj i partners dal progjet ECCA a son membris de Rêt par Promovi la Diversitât Linguistiche (NPLD). NPLD al è une rêt europeane dal setôr de politiche linguistiche. Il focus dal NPLD a son lis cussì clamadis “lenghis plui piçulis”, tant che il galês intal Ream Unît, il frison intai Paîs Bas, il furlan e il ladin in Italie, l’ongjarês in Romanie e il basc e il catalan in Spagne. L’obietîf de Rêt al è chel di sensibilizâ di plui la Europe su la impuartance de diversitât linguistiche. A son membris dal NPLD plui di 40 aministrazions, organizazions linguistichis e universitâts. Dentri de Rêt si scambiin lis cognossincis in merit aes lenghis e, se al è pussibil, a fasin pressions insiemi dentri de Union Europeane.
Chest progjet ECCA, inviât di 7 partners dal NPLD in 5 regjons, al da sostance ae cooperazion progjetuâl transfrontaliere. Intal 2023 il progjet al cjape dentri 8 regjons linguistichis diferentis. Il progjet ECCA al è pussibil in graciis de poie finanziarie dal NPLD e dai partners dal NPLD cjapats dentri. Cheste seconde edizion dal progjet ECCA e je pussibile ancje in graciis de poie dal Guvier des Isulis Baleârs.