PASSE I CONFINS CU LA TÔ LENGHE
Môf il to confin linguistic cul progjet des Ativitâts in Classe su la Cjarte Europeane (ECCA)
Midiant des Ativitâts in Classe su la Cjarte Europeane (il progjet ECCA – European Charter Classroom Activities), lis scuelis a puedin lavorâ cun ativitâts su la Cjarte Europeane des Lenghis Regjonâls e Minoritariis. Il progjet ECCA al à l’obietîf di disvilupâ ativitâts in classe e di meti adun zovins e insegnants di regjons linguistichis diviersis par mieç di un program di scambis.
Ce fasìno?
Disvilup des ativitâts in classe
Campus linguistic ECCA
Tal mês di Fevrâr dal 2019 il Consei di Europe al à disvilupât un strument pes scuelis europeanis par podê lavorâ in maniere plui ative su la Cjarte Europeane des Lenghis Regjonâls o Minoritariis. Intant, chest strument, lis cussì clamadis “Liniis vuide educativis par puartâ la diversitât linguistiche tes classis” tal è stât voltât in cetantis lenghis. Dilunc vie pe prime edizion dal progjet ECCA, a son stadis fatis e metudis a disposizion trê lezions digjitâls (par inglês, frison e olandês) par podê jessi dopradis di dutis lis scuelis partners. Lis lezions si puedin discjamâ achì: https://ecca.edufrysk.nl/.
Tal 2023, i partners ECCA a son invidâts a doprâ e a disvilupâ lis Ativitâts in Classe – Classroom Activities – publicadis dal Consei de Europe e a proponi materiâi gnûfs di condividi cun altris scuelis.
Il progjet ECCA al met adun zovins e insegnants di regjons linguistichis
diferentis. Cjalant cemût che une lenghe e je tratade intun altri Stât,
si pues capî miôr ce che si sint e si pense su la proprie lenghe.
Parcè pensistu che i zovins in Friûl e te Val di Fasse a fevelin ancjemò
par furlan e par ladin fra di a scuele, invezit che dome par talian?
Ce isal che al rint la zoventût catalane e chê rumene in Ongjarie
braurose des lenghis? In cheste edizion dal progjet ECCA, lis ativitâts
a son incentradis su la organizazion di un Campus Linguistic, cul
coinvolziment di svariadis scuelis, che al vignarà fat tes Isulis
Baleârs. Cjatantsi cu la int dal puest a scuele e a cjase intun paîs là
che si fevele une lenghe che, tant che la tô, no je la uniche lenghe di
chel paîs o di chê regjon, tal è pussibil capî miôr ce che une lenghe e
pues significâ.
Cu la condivision di esperiencis cun personis che a fevelin ancje une
lenghe regjonâl dongje di altris lenghis, tal è duncje pussibil capî il
va zontât dal plurilinguisim e dal multilinguisim.
Cualis scuelis partecipino?
Gnovis
Cuâi arlêfs di cualis scuelis sono stâts selezionâts par partecipâ al campus ECCA?
Vuê, inte Zornade internazionâl de felicitât, o anunziìn cui che des 8 diviersis regjons linguistichis al pues lâ tes Isulis Baleârs par partecipâ al campus ECCA, par vie dal concors che o vin mandât fûr il mês passât.
Si veve di rispuindi ae domande « Parcè personis di dut il mont varessino di visitâ la tô regjon linguistiche? » in mût creatîf cuntun video, un dissen o un altri prodot creatîf.
Chi sot e je la liste des scuelis che i lôr partecipants a àn vinçût il concors e che a cjaparan part al campus ECCA intes Isulis Baleârs dai 12 ai 15 di Mai. Se no tu cjatis la tô regjon inte liste, nuie pôre: par vie de popolaritât de competizion, ciertis regjons a àn bisugne di un pôc plui di timp e a comunicaran i lôr vincidôrs dentri di cheste setemane. Par vê eventuâi inzornaments, si pues consultâ il sît Web.
LADIN
Scola Ladina de Fascia
Daniele
Nicole
Alice
FRYSK
CSG Bogerman Balk
Jesse
Michael
Rubene
MAGYAR
Ady Endre Highschool
Panna
Kinga
Szabolcs-Péter
CATALA
Escola Andorrana de Batxillerat
Cerni
Carla
Esther
Intal lûc li che tu vivis tal è normâl fevelâ plui di une lenghe: furlan e talian. Âstu tra i 14 e i 17 agns? Partecipe daurman al concors ECCA. Cree un video, une poesie, une stampe o une storie par furlan e sclarìs ce che al fâs il Friûl e il furlan un lûc che al merete di jessi visitât di dut il mont!
I vincidôrs di chest concors a podaran partecipâ al campus ECCA organizât intes Isulis Baleârs dai 12 ai 15 di Mai dal 2023. A saran cjapâts dentri students che a vegnin di 8 regjons linguistichis diviersis.
VEN A VIODI LA MÊ REGJON LINGUISTICHE!
Intal lûc li che tu vivis tal è normâl fevelâ plui di une lenghe: furlan e talian. Âstu tra i 14 e i 17 agns? Partecipe daurman al concors ECCA. Cree un video, une poesie, une stampe o une storie par furlan e sclarìs ce che al fâs il Friûl e il furlan un lûc che al merete di jessi visitât di dut il mont!
I vincidôrs di chest concors a podaran partecipâ al campus ECCA organizât intes Isulis Baleârs dai 12 ai 15 di Mai dal 2023. A saran cjapâts dentri students che a vegnin di 8 regjons linguistichis diviersis.
“La lenghe no je dome che un mieç di comunicazion, e fâs part di ce che tu sês. La Cjarte europeane e da dirits ai zovins intes regjons linguistichis, che dispès no san nancje di vêju. Il progjet ECCA al à tant che obietîf chel di meti adun zovins di diviersis regjons linguistichis e di sensibilizâju in maniere positive su chest”.
Responsabil dal progjet ECCA
Ypie Boersma, province of Fryslân
Archivi
Risultâts dal progjet ECCA presentâts a Trent
Risultâts dal progjet ECCA presentâts a Trent
Cu la presince di rapresentants politics diviers e de presidence dal NPLD, i insegnants e i students di regjons linguistichis diferentis a àn presentât i ri’sultâts dal progjet des Ativitâts in classe de Cjarte europeane (European Charter Classroom Activities – ECCA).
Conference finâl dal progjet ECCA il prin di Otubar
Il prin di Otubar, in provincie di Trent (Italie), si fasarà la conference finâl dal progjet sperimentâl European Charter Classroom Activities (ECCA) – Ativitâts in Classe su la Cjarte Europeane -. In cheste conference i partners
ECCA a presentaran i ri’sultâts dal progjet. Cun di plui a fasaran une
visite a Luserna, un piçul paîs, dulà che e vîf une des minorancis plui
piçulis de Europe, i Cimbris. Tal 2019 il progjet ECCA al à vût une
sovenzion dal Network to Promote Linguistic Diversity (NPLD) –
Rêt par Promovi la Diversitât Linguistiche -. Magari cussì no, par vie
de situazion pandemiche causade dal covid-19, une part des ativitâts e
je stade anulade.
Dopo de conference finâl i partners dal progjet ECCA a decidaran se e cemût lâ indevant cuntune prosecuzion dal progjet. Par plui informazions ’sul progjet e ’sui partners, cjalait chi: www.thisismylanguage.eu
Join Zoom Meeting
https://us02web.zoom.us/j/81914140161?pwd=cUlTVHM2QUJyMkd1RjJGNDFNT2d3dz09
Meeting ID: 819 1414 0161
Passcode: ECCATrento
A son stadis publicadis lis lezions ECCA pes scuelis de Frisie
Pal progjet ECCA la provincie de Frisie e à svilupât in colaborazion cun Afûk e cun Cedin trê lezions su la Cjarte Europeane des Lenghis Regjonâls o Minoritariis. Lis lezions a stimolaran i students tra i 11 e i 16 agns a pensâ a ce puest che e à la lenghe tal contest european. Lis lezions digjitâls metudis a disposizion pes scuelis secondariis de Frisie a son dutis disponibilis in trê lenghis: frison, olandês e inglês. Par plui informazions, cjalait chi: https://ecca.edufrysk.nl/. Chest mês dutis lis scuelis de provincie de Frisie a ricevaran un poster ECCA cun chestis lenghis metût a disposizion par chestis lezions, par che a sedin stiçadis tal scomençâ lis ativitâts.
I partners dal progjet ECCA che a vedin voie di voltâ o di adatâ al contest lis lezions, il poster o il volantin su la Cjarte, a son preâts di contatâ il referent de provincie de Frisie, y.boersma@fryslan.frl.
Al è stât anulât il program di scambi dal progjet ECCA
Prime di chest Istât i partners dal progjet ECCA a àn decidût di anulâ dal dut il program di scambi scomençât tal 2019. Tant che part dal progjet, i students di diviersis regjons linguistichis a àn partecipât tal 2019 al concors par realizâ un video su la impuartance de lenghe. I vincidôrs di chest concors a son stâts selezionâts par partecipâ a un program di scambi intune di chês altris regjons linguistichis. Par plui informazions, cjalait chi: https://youtu.be/cHpS6UcYbpo. Par vie des consecuencis dal covid-19 il program di scambi tal è stât rimandât diviersis voltis. Magari cussì no i organizadôrs ae ’fin a àn scugnût decidi di anulâ cheste part dal progjet. I students cjapâts dentri a son stâts dut câs premiâts cuntun certificât ECCA e/o cuntun voucher. Daûr dai disvilups dal covid-19 tai agns che a vegnin, al po sei che al sarà fat un gnûf program di scambi par gnûfs students.
Visit our ECCA YouTube channel for more new videos
Inzornaments covid-19
Intai ultins trê mês, la plui part dai students e dai insegnants che a partecipin al progjet ECCA no à podût frecuentâ lis scuelis par colpe dal covid-19. Ducj i partecipants a son stâts informâts che par vie dal virus no vin podût lâ indevant cu la atuazion dal lunc program di scambi previodût par cheste Vierte. O vin di pôc decidût, cui colaboradôrs de NPLD coinvolzûts, che o cirarìn di lâ indevant cu la part di scambi al principi dal 2021. Cu la nestre newsletter ECCA, o tignarìn informâts di persone i students e i insegnants ’sui gnûfs svilups. Chest Istât o varessin gust di rivâ a cognossi un tic miôr ognidun di , implementant cualchi ativitât digjitâl di ECCA, e o sperìn ancje di podê publicâ cualchi ri’sultât su chest sît web.
Striche a fumets Covid-19 intes nestris lenghis
Striche a fumets Covid-19 intes nestris lenghis
Il famôs artist talian Fabio Vettori al à realizade une striche colorade
cu lis mi’suris di cjapâ par prevignî il covid-19. Diviers colaboradôrs
de Rêt pe promozion de diversitât linguistiche (NPLD) a àn voltât il
poster cu la striche in diferentis lenghis e dialets. La presidente de
NPLD, Sietske Poepjes: “O pensìn che al sedi une vore impuartant che
lis informazions su la crisi covid-19 a sedin a disposizion ancje
intes nestris lenghis, tant che il furlan, l’ongjarês, il catalan, il
ladin e la mê lenghe, il frison. Cheste tipologjie di informazions
rilevantis no varès di jessi disponibile dome intes lenghis uficiâls de
UE, ma ancje intes lenghis dal nestri cûr.”
Achì o cjatais la striche intes lenghis che a jentrin intal progjet ECCA.
CATALA ENGLISH FRYSK FURLAN LADIN MAGYAR
Panoramiche des ativitâts di ECCA
Ancje se fin cumò no vin podût meti in vore il program di scambi, intal ultin an scolastic a son stadis realizadis diviersis ativitâts di classe. Achì o cjatais cualchi informazion ’sul program ECCA fin cumò, clicant ’sui leams.
Striche a fumets Covid-19 intes nestris lenghis
Striche a fumets Covid-19 intes nestris lenghis
Il progjet ECCA al smire a disvilupâ ativitâts in classe e a svicinâ zovins e insegnants di diviersis regjons linguistichis midiant di un program di scambi. Par cause dal corona-virus pal moment e je stade cancelade la nestre prime part dal program di scambi previodude de Spagne e de Italie pe fin di Març cun destinazion Romanie. I scambis par chei altris students e pai insegnants in diviersis regjons linguistichis a son previodûts pai mês che e vegnin, in Avrîl e in Mai. Ducj i partners dal NPLD cjapâts dentri tal progjet a son in contat cui insegnants, cui students e cui gjenitôrs pai controi sanitaris. Se pussibil, il program ECCA al larà indenant ma dut al dipent dai disvilups dal virus in dute Europe. Se nol sarà pussibil o resonevul puartâ indenant il program ECCA prime di chest Istât, o cirarìn di fâlu intal gnûf an scolastic cui stes students e insegnants selezionâts. Te sperance che une dì o sarìn in stât di passâ i confins cu lis nestris lenghis.
Partecipe al nestri concors e vinç une esperience di scambi!
Vuelistu passâ i confins cu la tô lenghe? Se la tô scuele e partecipe al progjet ECCA e tu tu fevelis furlan, cjame un video curt su YouTube ’sul teme: “Ce significhie par te la tô lenghe, vuê e tal avignî?” Cui che al produsarà il miôr video YouTube al vinçarà une esperience di scambi! In colaborazion cu la tô scuele, tal 2020 tu podarâs lâ par cualchi zornade in scambi intune altre regjon linguistiche in Europe, dulà che tu sarâs ospitât di une famee che e fevele ongjarês (RO), frison (NL) o catalan (ESP). Partecipe al concors e travierse il confin de regjon cul furlan!
PDFYouTubeFRIU
Incuintri di presentazion ai 15 di Novembar dal 2019 a Bruxelles
Ai 15 di Novembar a Bruxelles si presentarà il progjet ECCA cuntune cunvigne speciâl. A chest prin incuintri a saran presints ducj i partners dal NPLD che a partecipin al progjet, adun cui rapresentants des scuelis che a àn aderît. I relatôrs de cunvigne a saran: Sixto Molina, responsabil dal Segretariât pe Cjarte Europeane des Lenghis Regjonâls e Minoritariis; Fernando Ramallo, de Universitât di Vigo (Galizie/Spagne) e Vicent Climent pal NPLD. Inte cunvigne o esplorarìn cemût lâ indenant cu lis ativitâts in classe che a rivuardin la Cjarte Europeane e i insegnants a saran formâts su chest argoment.
Kickoff ECCA programme 15.11.19
