Duc i partner touc ite tel projet ECCA l’é members de l’NPLD-Network to Promote Linguistic Diversity. L’NPLD l’é na rei europeèna che se cruzia de politica linguistica di lengac mendres desche l galeis tel Regn Unì, l Frijon ti Paijes Basc, l furlan e l ladin te la Tèlia, l basch e l catalan te la Spagna. L zil de l’NPLD l’é de engaissèr la cognoscenza de la desvalivanza linguistica. Più che 40 goergn, organisazions linguistiches e universitèdes é membres de l’NPLD: i se baratea esperienzes e i porta inant sie deric te l’Union europeèna.
Chest projet, scomenzà da 7 partner te 5 regions, moscia coche se pel endrezèr scomenzadives che va sorafora i confins linguistics e l’é metù en esser col didament finanzièl de l’NPLD e di 7 partner. Per l 2023 l projet tol ite 8 desvaliva regions linguistiches e l vegn endrezà de gra al sostegn finanzièl del NPLD e di partners NPLD touc ite. La seconda edizion del projet ECCA la é metùda a jir ence de gra al didament pratich del Goern de la Isoles Baleares.