L projet su la Ativitèdes didatiches de la Chèrta Europeèna (ECCA-European Charter Classroom Activities) ge dèsc l met a la scoles de meter en esser te class ativitèdes su la Chèrta europeèna per i lengac regionèi o de mendranza. L projel met en contat joegn e ensegnanc de desvaliva regions linguistiches.
Colun él l zil del projet?
Endrezèr ativitèdes te class
Campus linguistich ECCA
De firé del 2019 l Consei d’Europa à dat fora n strument per la scoles con chela de fèr cognoscer a na vida più ativa la Chèrta europeèna per i lengac regionèi o de mendranza. Chest strument, dal titol “Ativitèdes didatiches per portèr la desvalivanza linguistica te la classes”, l’é stat traslatà te lengac desvalives. Te la pruma edizion del projet ECCA, l é stat endrezà trei lezions digitèles (Ingleis/Frijon/Olandeis) metudes a la leta per la autra scoles e da poder traslatèr. La lezions pel esser desćiarièdes chiò: https://ecca.edufrysk.nl/
Per l 2023 i partner ECCA vegn ence engaissé a durèr e adatèr la Unitèdes didatiches publichèdes dal Consei d’Europa e a n lurèr fora de neves da se baratèr con autra scoles.
LADIN ECCA Guidelines
L projet ECCA met en contat joegn e ensegnanc che vegn da regions linguistiches desvalives. Se te veides coche vegn stravardà e durà l lengaz te n auter raion, ence tie pensier e tie sentiment envers tie lengaz muda. Perché pa i joegn de Udine e de Fascia rejonei amò furlan e fascian e no demò talian anter de ic? E che él pa che porta i joegn catalegn, frijons e unghereisc de Romanìa a esser stolc de sia parlèda?
Te chesta edizion del projet ECCA, vegn endrezà desche atività prinzipèla n Campus Linguistich co la scoles toutes ite, che l sarà te la Isoles Baleares. Canche te scontres persones che vif te n raion olache no vegn rejonà demò un lengaz dal post, descheche l é ence te tia tera, te pes dassen entener inout l valor del lengaz. Se te vives a scola e a cèsa co la jent dal post che desche tu la rejona n idiom che no l’é l soul durà te chel raion, te entenes miec e amò de più l’emportanza del ladin.
La scoles che tol pèrt al projet
NEVES
JOEGN EUROPEEGN À ZELEBRÀ SIE LENGAC TE LA ISOLES BALEÈRES
Dai 12 ai 15 de mé, 24 joegn da 8 raions linguistics desvalives i se à scontrà te la Isoles Baleères – Spagna per ge dèr valor a sie lengac. Do aer vent na endesfida, chisc students anter i 14 e i 17 egn, dessema con sie ensegnanc, i à tout pèrt al campus ECCA-European Charter Classroom Activities (Unitèdes Didatiches su la Chèrta Europeèna). L projet à chela de ge fèr entener ai joegn europeegn l valor de rejonèr più che un lengaz.
ECCA rap
Endèna l campus ECCA chisc joegn de mendranza à fat n percors dedicà al lengaz tolan pèrt a desvaliva ativitèdes. Apede a na raida, a n laboratorie de teater de emprovisazion e a fèr festa na sera con museghes te sie lengac i à ence endrezà n rap multilinguistich.
La responsabola del campus ECCA, Ypie Boersma (provinzia de la Frisia): “Peisse che te dut l mond chest sie l soul rap te 8 lengac: galeis, frijon, unghereis, ruotsunsuomi, catalan, basch, ladin e furlan. Per me l é stat na gran marevea veder joegn da duta Europa entener coche se pel jir sorafora i confins con sie lengaz de la mère tel se goder ensema”.
MoJo
Estra che produjer n rap, endèna l campus ECCA i partezipanc à tout pèrt a n laboratorie MoJo (Mobile Journalist)-giornalit dal fonin. Duc i gropes à endrezà n servije da ge sporjer ai raprejentanc europeegn en cont de che che se podessa fèr per sie lengaz. I raprejentanc catalegn de Andorra. Cerni Roig, Esther Claveri e Carla Iglesias à palesà te sie video MoJo che i volessa che sie lengaz no vegne più conscidrà n lengaz de mendranza. L catalan l é lengaz ofizièl a Andorra e l vegn rejonà da 10 milions de jent te 4 paijes del Europa. Esther Claveri: “L catalan l é na pèrt fondamentèla de noscia vita. No ne sà bel pissèr che sion mendres che i etres lengac ajache nos no se sention coscita”. I coleaments ai resultac di servijes MoJo endrezé dai bec del projet ECCA i é da veder sun: www.thisismylanguage.eu
L projet ECCA
De gra al projet ECCA-European Charter Classroom Activities la scoles pel lurèr sun ativitèdes che à desche argoment la Chèrta Europeèna per Lengac Regionèi o de Mendranza. L projet ECCA à chela de lurèr fora unitèdes didatiches e de meter adum joegn e ensegnanc da desvalives raions linguistics. L projet ECCA vegn metù a jir de gra a n cofinanziament de la Network to Promote Linguistic Diversity (NPLD) e col contribut di membres de la scomenzadiva.
La Network to Promote Linguistic Diversity
La NPLD l é na rei europeèna che se cruzia de politica e pianificazion linguistica te l’Europa. La tol ite goergn tant nazionèi che regionèi, universitèdes e sociazions. I membres de ECCA l é: la Provinzia de Trent tres l Istitut Cultural Ladin “majon di fascegn”, l’Agjenzie Regjonâl pe Lenghe Furlane (ARLeF), la Partium Christian University, la Xarxa Vives d’Universitats, l Consei provinzièl de Bizkaia, l Goern del Gales, la Università de Stockholm e la Provinzia de la Frisia.
Per saer de più o per tor contat direto coi desvalives raprejentanc de vigni raion contatèr la referenta del projet Ypie Boersma, y.boersma@fryslan.frl +31 615855947. Per aer maora informazions veder la piata web ECCA: www.thisismylanguage.eu
La scoles che à tout pèrt l é: Scola Ladina de Fascia, Istituto Statale di Istruzione Superiore “Magrini Marchetti”, Ady Endre Higschool, Escola Andorrana de Batxillerat, Salesianos Barakaldo, Ysgol Garth Olwg, Sverigefinska skolan and CSG Bogerman Balk.
L CAMPUS ECCA PER JIR SORAFORA I CONFINS LINGUISTICS.
Dai 12 ai 15 de mé, 24 joegn da 8 raions linguistics desvalives se scontrarà te la Isoles Baleères – Spagna per ge dèr valor a sie lengac. Do aer vent na endesfida, chisc students anter i 14 e i 17 egn, dessema con sie ensegnanc, i tolarà pèrt al campus ECCA-European Charter Classroom Activities (Unitèdes Didatiches su la Chèrta Europeèna).
Che él pa l projet ECCA? L é na scomenzadiva te chela che la scoles pel lurèr te clas en cont de la Chèrta Europeèna di Lengac Regionèi o de Mendranza. L projet ECCA à l zil de lurèr fora ativitèdes didatiches spezifiches da durèr te clas e de fèr scontrèr joegn e ensegnanc che vegn da raions linguistics desvalives. Tel mondo l é passa 7000 lengac cognosciui amò duré; 60 de chisc l é idiomes regionèi o del post rejoné da presciapech 40 milions de persones te l’Europa. L projet ECCA vel fèr acioche i joegn europeegn sapie l’emportanza de sie lengaz de mendranza, i sie stolc de l rejonèr e en consaputa che i lengac de la Union Europeèna no l é demò i 24 recognosciui ofiziamenter.
La endesfida ECCA
Desvaliva scoles de raions de mendranza da duta Europa à tout pèrt, fora per chest an, a na competizion endrezèda da ECCA. Te la Spagna, te la Tèlia, tel Gales, te la Romania, te la Svezia e ti Paijes Basc ge é stat domanà ai students de ge responer a chesta domana: perché pa la jent da dut l mondo cognessela vegnir a descorir tie raion linguistich? I 24 joegn più creatives i é stac cernui per tor pèrt al projet ECCA passan sorafora i confins de gra al lengaz dal post.
L campus ECCA
Endèna l fin de setemèna del campus ECCA, i partezipanc farà n percors linguistich te 8 idiomes desferenc. I empararà ence coche se doventa Mobile Journalist (MoJo) – giornalist dal fonin, endrezan n servije informatif per l Consei d’Europa duran sie lengaz e rejonan de chest. L projet ECCA se met dant de fèr scontrèr i joegn percheche i se baratee esperienzes e sie sentiments tel rejonèr n lengaz regionèl o de mendranza, e percheche i abie na consaputa pojitiva en cont del valor enjontà del bi- e multi-linguism.
La Network to Promote Linguistic Diversity
L projet ECCA vegn metù a jir de gra a n cofinanziament de la Network to Promote Linguistic Diversity (NPLD) e col contribut di membres de la scomenzadiva. La NPLD l é na rei europeèna che se cruzia de politica e pianificazion linguistica te l’Europa. La tol ite goergn tant nazionèi che regionèi, universitèdes e sociazions. I membres touc ite te ECCA l é: la Provinzia de Trent tres l Istitut Cultural Ladin “majon di fascegn”, l’Agjenzie Regjonâl pe Lenghe Furlane (ARLeF), la Partium Christian University, la Xarxa Vives d’Universitats, l Consei provinzièl de Bizkaia, l Goern del Gales, la Università de Stockholm e la Provinzia de la Frisia.
I resultac de ECCA
I resultc del campus ECCA i é da veder sui social: sun Instagram (thisismylanguage.eu), Twitter (myeulanguage) e ti 8 lengac che tol pèrt su la piata web del projet. De setember, l meis de la Dì Europeèna di Lengac, a Bruxelles, ge vegnarà portà dant ai raprejentanc de la Istituzions europeènes i esic de la scomenzadiva.Per saer de più o per tor contat direto coi desvalives raprejentanc de vigni raion contatèr la referenta del projet Ypie Boersma, y.boersma@fryslan.frl +31 615855947. Per aer maora informazions veder la piata web ECCA: www.thisismylanguage.eu.
La scoles che tol pèrt l é: Scola Ladina de Fascia, Istituto Statale di Istruzione Superiore “Magrini Marchetti”, Ady Endre Higschool, Escola Andorrana de Batxillerat, Salesianos Barakaldo, Ysgol Garth Olwg, Sverigefinska skolan and CSG Bogerman Balk.
Resultac: coluns él pa i students cernui per tor pèrt al Campus ECCA e da che scola vegnei?
Anché, te la Dì internazionèla de la legreza, porton dant coluns che l é i students di 8 raions linguistics che podarà jir te la Isoles Baleères per tor pèrt al campus ECCA, aldò del resultat de la competizion anunzièda l meis passà.
Ge é stat domanà de responer a chesta domana “Perché pa la jent da dut l mondo cognessela vegnir a descorir tie raion linguistich?
Chiò sotite l é la lingia de la scoles e di students venjidores che i jirà te la Isoles Baleères dai 12 ai 15 de mé. Se tie raion no l é amò ite, no te cruzièr: dotrei regions à domanà più temp per anunzièr sie venjidores, ajache i partezipanc i é stac n muie. Per piajer seghita a vardèr l sit per veder i ajornaments.
LADIN
Scola Ladina de Fascia
Daniele
Nicole
Alice
FRYSK
CSG Bogerman Balk
Jesse
Michael
Ruben
MAGYAR
Ady Endre Highschool
Panna
Kinga
Szabolcs-Péter
CATALA
Escola Andorrana de Batxillerat
Cerni
Carla
Esther
CYMREAG
Ysgol Garth Olwg
Lauren
Ava
Seren
SWEDEN FINNISH
Campus from the Sweden Finnish School of Stockholm.
Dina
Hilda
Sid
EUSKARA
Salesianos Barakaldo
Ziortza
Ruth
Naiara
FURLAN
ISIS Magrini Marchetti
Nicholas
Caterina
Giorgia
ECCA KICK OFF
Te Fascia l é normal che se rejone più che un idiom: ladin, talian, e vèlch lengaz forest soraldut fora per la sajon. Èste anter i 14 e i 17 egn? Tol pèrt al contest ECCA. Duran l ladin, endreza n video, fa na foto, cianta na cianzon o scrif na storia o na rima che engaisse la jent da dut l mondo a vegnir a cognoscer Fascia, sotrissan soraldut sie valor linguistich e identitèr.
I venjidores del contest arà l met de tor pèrt al campus ECCA te la Isoles Baleares, dai 12 ai 15 de mé del 2023, dessema con etres students da autra 8 regions linguistiches.
TOL PERT!
GEI TE MIA TERA, TE CONTE MIE LENGAZ!
Te Fascia l é normal che se rejone più che un idiom: ladin, talian, e vèlch lengaz forest soraldut fora per la sajon. Èste anter i 14 e i 17 egn? Tol pèrt al contest ECCA. Duran l ladin, endreza n video, fa na foto, cianta na cianzon o scrif na storia o na rima che engaisse la jent da dut l mondo a vegnir a cognoscer Fascia, sotrissan soraldut sie valor linguistich e identitèr.
I venjidores del contest arà l met de tor pèrt al campus ECCA te la Isoles Baleares, dai 12 ai 15 de mé del 2023, dessema con etres students da autra 8 regions linguistiches.
ECCA Kick Off 21 February 12.00 CEST, 11.00 GMT
“L lengaz no l é demò meso de comunicazion, l é pèrt de tie esser. La Chèrta europeèna la ge recognosc deric ai joegn de n raion linguistich, ma pec sà chest tant. L projet ECCA se met dant de meter adum joegn de regions linguistiches desvalives e de smaorèr sia consaputa en cont de chest.”
Ypie Boersma, project-leader ECCA
Province of Fryslân
ARCHIVIE
Resultac del projet ECCA porté dant a Trent.
Ensegnanc e students da desvaliva regions linguistiches ge à portà dant ai raprejentanc politics e a la Presidenta del NPLD i resultac del projet su la Unitèdes didatiches de la Chèrta europeèna per lengac regionèi o de mendranza (ECCA).
Conferenza finèla ECCA 1m de otober
L prum de otober, te Provinzia de Trent (Tèlia), sarà la conferenza che sera su l projet sperimentèl European Charter Classroom Activities (ECCA) – Unitèdes didatiches su la Chèrta Europeèna. Te la conferenza i partner portarà dant i resultac del projet. Amò apede i vedarà Luserna, n picol paisc olache vif una de la mendranzes più picoles de l’Europa, i zimbres.
Del 2019 l projet ECCA à ciapà n cofinanziament da la rei NPLD-Network to Promote Linguistic Diversity. A cajon de la pandemia da covid-19, per desgrazia, se à cognù descancelèr na pèrt de la ativitèdes pervedudes.
Join Zoom Meeting
https://us02web.zoom.us/j/81914140161?pwd=cUlTVHM2QUJyMkd1RjJGNDFNT2d3dz09
Meeting ID: 819 1414 0161
Passcode: ECCATrento
Publicazion de la lezions ECCA per la scoles frijiones
Per l projet ECCA la Provinzia de la Frijia à endrezà dessema con Afûk e Cedin trei lezions su la Chèrta europeèna di lengac regionèi o de mendranza. La lezions engaissa i students anter i 11 e i 16 egn a veder sie lengaz mère tel contest europeèn. I contegnui digitèi endrezé per la scola mesèna e auta i é duc a la leta per frijon, olandeis e ingleis. Per aer più informazions vèrda: https://ecca.edufrysk.nl/. Chest meis duta la scoles de la Provinzia de la Frijia ciaparà n poster ECCA te chisc lengac, metù en esser apontin per se arvejinèr a chisc argoments.
I partner ECCA che vel traslatèr e adatèr a sia realtà la lezions, l poster e l codejel su la Chèrta pel contatèr l referent de la provinzia de la Frijia, y.boersma@fryslan.frl.
L é stat descancelà la fradaa perveduda dal projet ECCA
Dant de chest istà i partners ECCA à dezedù de anulèr deldut la fradaa anter students perveduda dal projet medemo. L era stat pissà che joegn de regions linguistiches desvalives tole pèrt, del 2019, a n contest video, te chel che ge vegnia domanà ai students de endrezèr n filmat sul valor de sie lengaz. Per saer de piu vèrda: https://youtu.be/cHpS6UcYbpo. A cajon de la conseguenzes del covid-19 la fradaa é stata sburlèda sacotanta outes. A la fin i organisadores à cognù dezider de la descancelèr. L é stat pissà donca de premièr i students a n’autra vida: con n zertificat de partezipazion al projet ECCA e/o co na zedola de scioldi. Ti egn che vegn, speran che l covid-19 ne dae l met, podessa vegnir endrezà n nef projet de fradaa per neves students.
Vèrda nosc canal ECCA YouTube per veder de etres video
Coche jon inant dò l Coivid-19
Te chisc ultimes 3 meisc la maor pèrt di studenc e ensegnanc che tol pèrt al projet ECCA no à podù jir a scola a cajon del virus Covid-19. Duc é statc metui en consaputa che per chesta rejon no aon abù l met de jir inant col program de fradaa fora per chest’aisciuda. Da pech temp l’é stat dezedù coi partner de l’NPLD touc ite che proaron a meter a jir dut endodanef al scomenz del 2021. Co la neves ECCA informaron studenc e insegnanc en cont de chel che vegnarà fat. Fora per chest istà speron de se cognoscer mingol miec col meter en esser dotrei arivitèdes digitèles ECCA. I resultac vegnarà publiché sun chesta piata web.
Placat Covid-19 te nesc lengac
L’artist de nonzech talian Fabio Vettori à realisà n belot placat co la regoles da respetèr per se parèr dal Covid-19. Desvalives partner de la Network to Promote Linguistic Diversity (NPLD) à traslatà l poster te sacotenc lengac e dialec. La Presidenta de l’NPLD, Sietske Poepjes: “Pisson che sie de gran emportanza che la informazion su la crisa Covid-19 la sie a la leta ence te nesc lengac, desche l furlan, l magyar, l catalan, l ladin e mie lengaz, l frijon. Chesta sort de informazion emportanta no la cognessa esser a la leta demò ti lengac EU ofizièi, ma ence ti lengac de nosc cher”.
Chiò troède i placac traslaté ti lengac del projet ECCA.
CATALA ENGLISH FRYSK FURLAN LADIN MAGYAR
Sumèda de la ativitèdes ECCA
Enceben che no fossane stac bogn de meter a jir la fradaa enscin ades, te chest ultim an de scola l’é stat envià via dotrei ativitèdes de clas. Troède vèlch informazion en cont de la ativièdes ECCA fates enscin ades drucan sun chisc coleaments.
Infuence of the corona virus on ECCA
L projet ECCA l’à l’obietif de endrezèr ativitèdes didatiches e de fèr scontrèr, tras n program de fradaa, joegn e ensegnanc che vegn da regions linguistiches desvalives. A cajon del corona-virus, la pruma pèrt de chest program de fradaa, perveduda per la fin de mèrz da la Spagna e la Tèlia a la Romanìa, la é stata descancelèda. La fradaes per i etres students e sie ensegnanc te autra regions linguistiches les é pervedudes per i meisc che vegn, oril e mé. Duc i partner NPLD touc ite te la scomenzadiva i é en contat coi ensegnanc, i students e sie genitores per veder co jir inant. Se sarà possibol, l program ECCA vegnarà metù en esser, ma l’é da veder coche se dejoujarà la situazion del corona-virus te duta Europa. Se no sarà possibol o se se conscidrarà che no l’é l cajo de jir inant col program ECCA dant de l’istà, vardaron de l meter a jir col nef an de scola coi medemi students e ensegnanc selezioné. Speron dassen de poder jir sorafora i confins con nesc lengac.
Tol pèrt a la endesfida e venc na fradaa!
No peste jir sorafora i confins de Fascia col ladin? Se tia scola la é pèrt del projet ECCA e te rejones ladin, met ensema n curt video YouTube che ge respon a chesta domana: “Che segnificat èl pa per te tie lengaz ades e tel davegnir?” Chi che portarà dant l video YouTube mior, del 2020, podarà viajèr te n auter raion linguistich de l’Europa con sie ensegnant. Te starès te na familia che rejona furlan (IT), unghereis (RO), frijion (NL), o catalan (ESP). Tol pèrt a chesta endesfida e va sorafora i confins de Fascia de gra al ladin.
PDFYouTubeLADIN
Scontrèda de prejentazion del projet ai 15 de november a Bruxelles
Ai 15 de november, a Bruxelles, sarà la scontrèda de prejentazion del projet ECCA. A chest prum apuntament tolarà pèrt i membres de l’NPLD che fèsc pèrt del projet e ence ensegnanc de la scoles toutes ite. Del Consei d’Europa sarà aló desche relatores l secretèr generèl de la Chèrta europeèna per i lengac europeegn o de mendranza, Sixto Molina e Fernando Ramallo de la Università de Vigo te la Spagna e Vicent Climent de ‘NPLD. Te chesta scontrèda vegnarà rejonà de coche se jirà inant co la doura de la unitèdes didatiches e i ensegnanc podarà se emprevaler de n ajornament su l’argoment.
Kickoff ECCA programme 15.11.19
Kick-off meeting ECCA 15 November 2019
